影片
更多
2018-09-22
2747 浏览
一直好想試正宗嘅Omakase ,但由於向日本唔識溝通，所以一直唔敢試。最終老公決定帶我向香港食一次，滿足下我嘅小小願望😘鮨文一直係我好想好想去食嘅餐廳，但之前元朗分店位置比較少，所以長期爆滿，早排聽朋友講原來已經開咗分店，仲要黃埔地鐵站一出附近，當然預早2星期book定枱，等食好野😋門口裝修精緻而踏實，格調高雅又神秘。內裏有一張L型吧枱，大概十多個坐位，可以面對面對住師傅，直接睇到食材又可以方便溝通。店員解釋因為當時Bar枱未有位置，所以先在其他位置享用前菜，之後再移回Bar枱享用手握壽司等餘下料理。Omakase 餐牌有2款選擇，我地揀咗有埋刺身那一款，好期待喔！三文魚籽茶碗蒸三文魚籽粒粒飽滿，入口仲脆卜卜，魚油鮮甜香濃，茶碗蒸非常滑溜，蛋香味濃郁，非常滋味。櫻煮八爪魚店員細心解釋師傅原來先幫每隻八爪魚腳按摩，之後再用自家製醬汁炆煮，需要3日時間先可以完成，唔怪得入口嫩滑無比，鮮甜味突出，不加任何調味已經非常鮮味。炸帆立貝先將新鮮帆立貝炸到半生熟，保持軟嫩口感，再包住日本有160幾年歷史嘅丸山海苔，海苔入口香脆，紫菜味香濃，帆立貝食落一絲絲嘅感覺，非常特別，相信只有新鮮帆立貝先可以
鮨文一直係我好想好想去食嘅餐廳，但之前元朗分店位置比較少，所以長期爆滿，早排聽朋友講原來已經開咗分店，仲要黃埔地鐵站一出附近，當然預早2星期book定枱，等食好野😋
門口裝修精緻而踏實，格調高雅又神秘。
內裏有一張L型吧枱，大概十多個坐位，可以面對面對住師傅，直接睇到食材又可以方便溝通。
店員解釋因為當時Bar枱未有位置，所以先在其他位置享用前菜，之後再移回Bar枱享用手握壽司等餘下料理。
Omakase 餐牌有2款選擇，我地揀咗有埋刺身那一款，好期待喔！
三文魚籽茶碗蒸
三文魚籽粒粒飽滿，入口仲脆卜卜，魚油鮮甜香濃，茶碗蒸非常滑溜，蛋香味濃郁，非常滋味。
櫻煮八爪魚
店員細心解釋師傅原來先幫每隻八爪魚腳按摩，之後再用自家製醬汁炆煮，需要3日時間先可以完成，唔怪得入口嫩滑無比，鮮甜味突出，不加任何調味已經非常鮮味。
炸帆立貝
先將新鮮帆立貝炸到半生熟，保持軟嫩口感，再包住日本有160幾年歷史嘅丸山海苔，海苔入口香脆，紫菜味香濃，帆立貝食落一絲絲嘅感覺，非常特別，相信只有新鮮帆立貝先可以做到。
秋刀魚刺身
9月時令刺身，秋刀魚肉質肥美鮮嫩，魚鮮味濃郁，加上少少橘子汁，清爽又鮮美。
之後到最期待嘅手握壽司啦！
蜜柑鯛 （上）
愛媛出產嘅蜜柑鯛，由於食蜜柑長大，所以入口多了一份蜜柑嘅清香，魚肉鮮嫩。
金目鯛 （下）
魚肉色澤光亮，用上湯霜煮法令到魚肉肉質更豐彈性，魚油豐富，鮮甜細緻。
富山白蝦
富山出產嘅白蝦，細細隻但鮮味特別濃郁，而且鮮嫩甘甜，師傅再掃上自家製蝦味醬汁，蝦味更加突出，堅正👍🏻
文蛤 （上）
第一次食文蛤，入口鮮味濃郁，有少上咬口，加上用赤醋調配嘅壽司飯，更加滋味。
煮穴子 （下）
穴子即係海鰻，肉質偏淋，師傅先將穴子用秘製醬汁不停重複烹煮，令到穴子一食入口即刻完全溶化，鮮嫩可口，外層再輕輕炙燒過，焦焦嘅香味非常吸引。
下駄海膽
即係拍賣返黎嘅珍貴海膽，每盒都有號碼寫上，海膽金黃嘅顏色非常吸引，入口味道甘香鮮甜，after taste 仲keep 到成個口腔都係海膽味，久久不散，堅好食👍🏻
果物
日本新品種嘅提子，巨峰混種黑提，入口香味特別，清甜多汁。
今晚真係超爆滿足，而且仲可以直接同師傅傾計，感覺好舒服。
张贴
