Nardo's Cafe (已結業)

一處可以開心去食嘢，6:30至11:00唔會有人趕，最合適就是大班朋友聚派對餐，早嚟飲住，free drink，人齊再點食物。環境舒服，board game 齊備，服務員親切，也可以隨心選擇單點晚餐，也是開心分享時間。今次難得四人同行：總有人早有人遲，這裡就是最好。飲吓等吓。。。我們選了凱撒沙律，白蒜忌廉蜆肉煙三文魚意粉，黑松露海蝦帶子意粉，紅酒燉牛肋條飯。每樣也出色凱撒沙律：蔬菜首重新鮮，可以同大家講，每一條也爽脆，我們仲汁另上，要多要少，也可以隨心（服務態度一百分）白蒜忌廉蜆肉煙三文魚意粉：嘩！朋友蜆肉真心多，我估都三分一包蜆肉，忌廉包裹了每條意粉三文魚也好味。黑松露海蝦帶子意粉：蝦與帶子也大件，十分入味，黑松露味香，p.s.好大份。。。男士也會飽到不得了紅酒燉牛肋條飯：好味，好味，超好味！又係我們食餸……飯食唔哂，早知叫唔駛上飯，牛肋條好入味，一堆就散，唔怕咬唔開，d汁我【飲埋】。好的小店，大家要多多支持。