鳴門魚市場居酒屋 (已結業)

雖然而家夜晚冇得出街食，不過向好嗰方面諗， 而家好多外賣都有特價， 好似鳴門魚市場咁， 壽司刺身卷物半價🖐🏻🖐🏻， 其餘例如沙律揚物有八折 咁抵， 梗係趁呢個機會外賣食好嘢🍣刺身🍣三文魚刺身$28新鮮鮮甜， 赤海蝦$29好大隻，肉身晶瑩， 膠質很重，好有口感🍣壽司🍣鵝肝壽司$34口感超正，入口即溶有甘味吞拿魚腩壽司$24肉質肥美，味道甘香鮮貝壽司$23厚身兼鮮甜劍魚腩壽司$16魚香味濃甜蝦壽司$24的甜蝦比我想像中大隻， 兩隻甜蝦打孖上好滿足火焰左口魚裙邊壽司$23油香很重， 好滋味🍣 炙帆立貝左口魚裙邊黑松露沙律$54🍣呢款沙律就係簡簡單單沙律菜配帆立貝和左口魚裙邊，味道主要來自黑松露和柚子汁， 每口松露香味帶酸酸味味，整個配搭清爽又鮮甜🍣 炸魷魚配他他汁$38🍣拎外賣嘅時候感受到熱辣辣， 雖然返到屋企已經有啲涼咗， 但依然香口惹味，喺屋企一路飲啤酒一路食好正