珍煮丹

進行左一個月嘅生酮飲食後，finally有四日嘅時間比自己放鬆心情。即係話終於可以食返啲有碳水化合物，有糖分嘅食物（垃圾食物haha)

本身諗住下一日先至破戒，但經過左珍煮丹，我就忍唔住嗌左杯黑糖芋頭鮮奶💗 本身係想飲芋圓芋頭鮮奶，但係佢話今日冇晒貨啦，剩返黑糖芋頭鮮奶⋯ 唔緊要因為我非常想食芋泥類嘅飲品，諗都冇諗就買咗。

由於勁耐冇飲過呢一類嘅台式飲品心情非常興奮，飲第一啖覺得自己上咗天堂，超好飲

由於帶咗小糖少冰，黑糖味啱啱好份量唔會搶過芋頭既味道，同埋鮮奶嘅嗰種奶香，而且芋泥既份量都唔少～飲到最尾都有！