The Place

用積分加錢換2張The Place 既宵夜Buffet，主題係---生蠔 !Buffet 由 10:15pm 開始，10pm 已經有人龍排隊，之后人龍越來越長，食客都幾多。生蠔唔係即開，只有1款，唔算太肥美，普普通通。基本壽司同三文魚刺身都有。熱盤就大概有十多款，既然係生蠔做主題，當然少不了蠔餅同蠔仔粥，不過驚喜唔算太大。除左甜品、生果，重有Movenpick 雪榚。以2百零蚊宵夜算ok，食多幾隻生蠔同幾球雪榚都足以回本。