生生市場 (捷榮樓)

营业中

休息中

行經元朗教育路，見到呢間韓國菜好似唔錯，於是外賣嚟試下。新鮮辣泡菜睇賣相已經流晒口水，誘人嘅紅色醬汁，浸住白滑嘅泡菜，食落爽脆無比，鹹辣適中惹味，非常刺激食慾，送飯一流。烤牛肉紫菜飯捲餡料有烤牛肉、蘿蔔絲、青瓜絲、黃瓜、山楂同蛋，口感同味道都非常豐富。人蔘雞湯用料十足，有成半隻雞，仲有薑、蒜同糯米。雞嘅鮮甜味出晒嚟，又有人蔘嘅微甘，整個湯好鮮美。原味無骨炸雞雞肉整成球狀，外面炸到金黃香脆，裡面嘅雞肉嫩滑可口，味道都好惹味。韓式炒粉絲粉絲爽滑彈牙，配料有蘿蔔絲、冬菇、木耳同洋蔥，爽脆嘅菠菜增加咗口感，成個菜好fresh。