喜鍋 海鮮‧火鍋‧小廚 (已結業)

舊同事飯局每次必定打邊爐，今次揾左有海鮮食嘅喜鍋！ 餐廳地點喺油麻地地鐵附近，menu主打生猛海鮮＋火鍋，仲有雞煲、刺身同小菜，勁多選擇！而家做緊優惠有八八折，係性價比極高嘅選擇！🌶️重慶麻辣雞煲 🍲 $228 一隻/$148半隻  打邊爐有超過十種湯底 、有花膠鯊魚骨湯、胡椒豬骨湯、鮮檸酸菜魚、棷青雞、清湯腩等，我地揀左重慶麻辣雞煲，醬汁超香嘅雞件配上特多芫荽！上枱後店員會立即炒幾下，香氣撲鼻！雞肉鮮嫩，麻辣味香濃！醬汁包住啖啖雞肉刺激味蕾！麻度辣度均勻，半隻雞份量好足！食完就可以加入豬骨湯開始打邊爐啦🔥🔥 🦑時令海皇盆🦐 $128兩人份量嘅時令海皇盆有特大蟶子、海蝦、蟹、大蜆同青口，樣樣都新鮮又生猛，蟹肉鮮嫩仲有膏，蝦肉彈牙，大蜆漲卜卜、樣樣都好味！性價比極高！推介！🍤鴛鴦墨魚油炸鬼-  店員推介呢個招牌小菜，油炸鬼上面有墨魚膠，面層加左黑松露醬同埋蟹籽，直接食又得，打邊爐又得，鬆脆好味！🥬唐生菜、響鈴、水餃、午餐肉、芋絲等，大部份都可以點半份，啱哂我地樣樣都想食小小！🧃飲品：檸檬薏米水、竹蔗茅根清甜又好味！