forte (已結業)

今晚同老公庆祝生日，加入左如心个Vivva会员，有买一送一优惠，梗系要试吓啦！一去到confirm会员优惠后，就可以落单点主菜，本来想拣A4和牛西冷，可惜无货，为有转返普通澳洲肉眼，另外拣左羊膝，太约半个钟上菜。等上菜嘅时候当然系去拎前菜啦！冷盘海鲜唔算多，但系好啱胃口，有本地肉蟹，好滑好鲜甜，濑尿虾，中等size, 好甜！面包蟹（我个人喜欢肉蟹，啖啖肉）仲有青口，海虾，蚬同螺。还有鱼生，大大片切俾你，很生鲜，无筋。配埋生日优惠嘅白酒，好正！餐汤有好浓嘅磨菰汤，浓到好似屋企煮咁，另有雪耳椰子煲猪𦟌，足料！当然仲有沙律！食完海鲜主菜就到！牛扒叫左5成熟，很好，有肉味，无筋，𣺉，肉面有少少焦香。羊膝正，超𣺉，有羊味，但唔膻，好味！食食下，会有钟仔响，通知你出去拎，今晚总共拎左4次，有青酒煮海虾，辣酒煮花螺，卡邦尼意粉，芝麻汤圆糖不甩，有惊喜！甜品慕士蛋糕比较多，还有大福，蛋挞，生果，movenpick雪糕，维记雪米糍，仲有啱晒小朋友嘅果汁软糖！生日当然有蛋糕，系tiramisu, 系少左少少酒味，整体都好味，而且几大件。食到好饱，好满足，只系5百几蚊就食到2人半自助餐超值！会员仲有2000