影片
更多
2009-10-24
172 浏览
阿媽一年一度生日, 就黎豪一次。近排有個蟹宴做優惠, 半價$7xx , 原價$15xx, 6位用, 好似幾抵, 就試一試啦~我地7 個人, 所以最後除左要個6 人用既蟹宴, 仲加左個鴛鴦炒飯。呢到之前裝修過, 比之前更加高級, 入到去只得幾圍人, 但就好多waiter, 燈光好暗, d 人好好服務, 仲有人彈琴, 不過我地唔識欣賞, 只感覺到好嘈, 阻住我地傾計, 可能我地又咁岩坐係隔離。黎呢d 高級地方食野, 真係要有耐性, 可能佢係即叫即整, 我地叫左起菜都要等半粒鍾多先有野食, 又肚餓哦, 真係有時等到有d 忟。第1個菜—炸蟹鉗, 我好欣賞呢個呀, 同平時出面食既真係唔同, 呢個應該真係自己打d 蟹肉, 好爽口, 仲有生果同蝦片墊底, gd~~第2 個菜—蟹湯, 把隻蟹同d 粉絲, 雜姑, 一齊煲, 好鮮甜, 正~第3 個蟹肉炒炸魚, 感覺似賽螃蟹, 但就多左d 炸魚, 不過咸左d~第4個炸雞, 炸得好正, 個皮脆卜卜, d 肉就滑lulu, 正。第5個係蔥花蟹子花卷, 呢個最普通, 似係出面食幾蚊既花卷, 只係卷上多左d 蟹子, 仲係勁細粒, 一啖就無左, 同埋蒸左既蟹子係無咁
近排有個蟹宴做優惠, 半價$7xx , 原價$15xx, 6位用, 好似幾抵, 就試一試啦~
我地7 個人, 所以最後除左要個6 人用既蟹宴, 仲加左個鴛鴦炒飯。
呢到之前裝修過, 比之前更加高級, 入到去只得幾圍人, 但就好多waiter, 燈光好暗, d 人好好服務, 仲有人彈琴, 不過我地唔識欣賞, 只感覺到好嘈, 阻住我地傾計, 可能我地又咁岩坐係隔離。
黎呢d 高級地方食野, 真係要有耐性, 可能佢係即叫即整, 我地叫左起菜都要等半粒鍾多先有野食, 又肚餓哦, 真係有時等到有d 忟。
第1個菜—炸蟹鉗, 我好欣賞呢個呀, 同平時出面食既真係唔同, 呢個應該真係自己打d 蟹肉, 好爽口, 仲有生果同蝦片墊底, gd~~
第2 個菜—蟹湯, 把隻蟹同d 粉絲, 雜姑, 一齊煲, 好鮮甜, 正~
第3 個蟹肉炒炸魚, 感覺似賽螃蟹, 但就多左d 炸魚, 不過咸左d~
第4個炸雞, 炸得好正, 個皮脆卜卜, d 肉就滑lulu, 正。
第5個係蔥花蟹子花卷, 呢個最普通, 似係出面食幾蚊既花卷, 只係卷上多左d 蟹子, 仲係勁細粒, 一啖就無左, 同埋蒸左既蟹子係無咁好食既。
第6個係椰汁紫米露, 以為係平時食既紫米露, 原來係平時既西米露, 但就無左西米轉左紫米, 仲有d椰肉，好香，好食！
最後係另外叫既炒飯，呢個係因為怕大家唔夠食而叫既， 但其實都好夠， 好飽，呢個炒飯就好普通啦，無咩特別，只係特別貴， ＄９５哦～～
最後＋茶錢＄１０＠，２碟ｘｏ汁＄３０，連加一，埋單係過千蚊～～
姐係百幾蚊個人， 其實都唔貴既， 有咁既服務，咁既質素，係抵既！
张贴