實在好懷念上年食足3人既大閘之旅喔!!
依到有2個時段, 頭段6:00尾段8:00, 我地選擇左尾段食得舒服D
搭MTR 於A3出口出, 過對面行左邊於太和街入口入, 直行到底向右轉灣仔道
路痴既我又兜左個大圈。 但都好過去九如坊次次都搵餐死
去到都有人等位, 搭lift上到去塞滿門口, 好彩D朋友一早到晒。
一黎就黃金蝦球🍤, 味道可以但個皮就粉左D
再上杏汁燉花膠, 湯既外觀就比較例湯Feel , 花膠少硬雞腳反而唔錯, 大家當例湯好了
之後主角出場....燈燈燈tang, 大閘蟹出場。 Size 有大有細 3 兩-4.5兩都有, 全部都係比公。 蟹膏一般唔算香, 白膏亦未係時間唔夠多。 當然咩價錢就係咩貨式, 上蟹速度都好快唔會慳住, 值得加許。
豉油王乳鴿。。每人半隻但大家都無時間食, 但味道其實唔錯
糯米飯, 無咩配料, 但夠乾身都OK
最後的薑茶大定一定要飲呢, 因為大閘蟹真係好寒, 我番到屋企仲會飲多碗黑糖薑母菜先瞓
1
