黑松露薯條🍟$68
薯條炸到條條金黃香脆，唔係嗰啲淋pat pat嘅hea貨。每一啖都係「咔嚓」一聲，再加埋個黑松露醬，邪惡指數100分！😈
鵝肝伴青蘋果配法包🍏 $78
塊鵝肝煎到外脆內軟，入口即溶嘅油脂甘香喺口腔爆發💥配埋個酸酸咪咪嘅青蘋果蓉，即刻解咗油膩感，成件事fresh晒🤤
炸芝士🧀 $58
炸到金黃色嘅外皮包住半溶嘅Mozzarella，輕輕一拉…嘩！啲芝士絲可以拉到天涯海角呀！
🌟澳洲150日穀飼黑毛安格斯牛西冷 $278
🥩 主角登場！全場焦點嘅牛西冷！
環顧四周，真係枱枱都嗌呢份牛扒！果然係鎮店之寶！👑 我哋叫咗Medium Rare，個橫切面靚到呢…粉嫩粉嫩嘅肉色，肉汁多到好似唔使錢咁！😍 一入口，嘩！肉味超～～～濃郁！穀飼牛獨有嘅油香慢慢滲出嚟，口感軟嫩得嚟又有嚼勁。唔使任何花巧醬汁，齋食個原味已經係天堂級享受！牛魔王表示大滿足！🐂
忌廉辣肉腸意大利雲吞 $133
個醬汁好鬼惹味！Creamy得嚟帶少少辣勁，完全唔膩。每隻雲吞都脹卜卜，包住鹹香嘅辣肉腸餡，口感豐富😋
🍰tiramisu熔岩 $99
呢個Tiramisu Lava Cake真係視覺同味覺嘅雙重衝擊！自行處理Tiramisu Cheese，好似熔岩咁洶湧而出！蛋糕體濕潤，咖啡酒香醇厚，配埋啲cream…Tiramisu控必試！
☕️🥭 Mango Matcha Latte $54
連嘢飲都好有heart！Mango Matcha Latte芒果嘅甜撞埋抹茶嘅甘，出奇地夾喎！
🌋 Tiramisu Latte $48
Tiramisu Latte就直頭係「飲得嘅Tiramisu」，咖啡味同芝士奶蓋味好balance，幸福感滿瀉🥰
總括嚟講，NATA呢餐生日飯真係無得彈！👍 環境舒服，食物質素極高，價錢以西餐扒房嚟講絕對係CP值爆燈！🔥 由前菜到甜品都睇得出廚師嘅心機。特別係塊牛扒，質素拍得住酒店級數，但價錢親民勁多！
📍NATA - Steak, Wine & Cocktail (觀塘)
🔎觀塘巧明街107號國基集團中心4樓1號舖
