六福菜館

营业中

休息中

今日同老婆两人庆祝自己生日，去到西贡一定要食吓海鲜。之前同亲友买过几次海鲜去六福煮。佢最拿手我地一致觉得系椒盐鲍鱼。我地系艇家买咗本地龙虾，角螺仔，鲍鱼当然唔少得去六福整。上汤米粉底龙虾非常正，椒盐鲍鱼唔食唔得。但今次啲白灼角螺仔就出咗少少事。可能系啲螺太新鲜，白灼完缩得好入，入到系撩唔。其实之前系屋企整过都知有可能会咁，所以问侍应希望厨房帮忙打碎个螺头方便撩出。不过六福位男侍应只系一句话好难撩都无办法，厨房亦无工具，还笑说如果食唔到就带返屋企。最后有位好好嘅资深女侍应叫男嘅攞去用锤试下，同提醒佢整好记得洗净先好比返客人食。最后当然系无成功到。我地为有用尽酒楼有嘅工具，千辛万苦先整到出嚟食。味道系鲜味。但对于收$260白灼煮功嘅六福，我个人系有微言：厨房师傅应该可以多些明白食材特质，同为怎样令食客可以享用美食多一点心思。举例厨房可以唔切开只龙虾煮，但为咗能入味同食客可以容易食都会切开；侍应亦可以做多些帮忙，不应该只系说无能为力。这次经验实在令我对这店有点失去信心。