影片
更多
2010-01-26
35 浏览
是日舊曆正日生日，由朝食到晩，行完街即興黎春夏秋冬食火鍋。未Book位，去到6:00PM，得一枱客，侍應好有禮貌招呼，比幾張枱任我選擇，最後選擇左卡位，其實都有少少迫，但2個人坐到4人枱卡位，都唔錯，算"筍"位。因為時間尚早，冇咩人，感覺好舒服。坐底左冇幾耐，姐仔走埋來介紹$100/2碟海鮮，睇過之前食評，一心都想黎試，要左碟帶子(有5隻，唔算大)，聖子(上層大隻D，下層個D細隻D)。睇下餐牌，揾唔到本來想叫的$28醉雞鍋湯底，咁其實佢都好多款湯底選擇，我地叫左:$108滋補水魚雞子湯底。$22田雞$38西泠牛(小)2個人，食左一日，個肚仲飽緊，都唔敢再叫咁多野啦。水魚湯底，先來左個湯，入邊都有杞子，黨參，北"祈"，圓肉等等。水魚分開上，好似係原隻，個頭仲係度郁郁下，有4粒雞子，望住隻水魚，諗起屋企幾隻烏龜，個心真係唔係幾好過，做咩要叫水魚，做咩咁滋陰呀。食完之後，屋企人仲話好好食，個湯底好甜，好欣賞咁喎。我就唔食牛肉的，但知道呢度好出名食牛，屋企人試左西泠牛，好味喎，牛味幾重，但唔算淋，有少少根，$38份量幾多，味道尚算唔錯。田雞，冇咩特別，冇咩味道，唔甜的。聖子，甜味，但有2,3隻
未Book位，去到6:00PM，得一枱客，侍應好有禮貌招呼，比幾張枱任我選擇，最後選擇左卡位，其實都有少少迫，但2個人坐到4人枱卡位，都唔錯，算"筍"位。因為時間尚早，冇咩人，感覺好舒服。
坐底左冇幾耐，姐仔走埋來介紹$100/2碟海鮮，睇過之前食評，一心都想黎試，要左碟帶子(有5隻，唔算大)，聖子(上層大隻D，下層個D細隻D)。
睇下餐牌，揾唔到本來想叫的$28醉雞鍋湯底，咁其實佢都好多款湯底選擇，我地叫左:
$108滋補水魚雞子湯底。
$22田雞
$38西泠牛(小)
2個人，食左一日，個肚仲飽緊，都唔敢再叫咁多野啦。
水魚湯底，先來左個湯，入邊都有杞子，黨參，北"祈"，圓肉等等。
水魚分開上，好似係原隻，個頭仲係度郁郁下，有4粒雞子，望住隻水魚，諗起屋企幾隻烏龜，個心真係唔係幾好過，做咩要叫水魚，做咩咁滋陰呀。食完之後，屋企人仲話好好食，個湯底好甜，好欣賞咁喎。
我就唔食牛肉的，但知道呢度好出名食牛，屋企人試左西泠牛，好味喎，牛味幾重，但唔算淋，有少少根，$38份量幾多，味道尚算唔錯。
田雞，冇咩特別，冇咩味道，唔甜的。
聖子，甜味，但有2,3隻有沙。
帶好，鮮味，很淋。邊屋企途中一諗諗，點解係屋企打邊爐個D成日都硬，呢度D咁好味。
服務非常之好，侍應不時走來望下有咩需要幫忙，著西裝的經理級人物，不時同客人交流，介紹食物。感覺非常好。
$10/位，類似茶芥。埋單連加一$317。都幾抵食，下次想黎試下象拔蚌，同埋約幾個鬥牛勇士黎陪下屋人食牛牛啦。
张贴
