極上帝王水產

有朋友生日book左去食「極上帝王水產」，因為訂座有得送" 磯燒/火鍋/燒肉"(三選一），生日4人同行有一位半價，仲送蛋糕送，仲會有全場播歌，聽落幾有氣氛。

本身都有點卻步，因為餐廳正評唔多，上去純粹抱住試一試嘅心態，結果佢哋換咗廚房，所以最後覺得食物同服務都幾好噃。

三選一嗰度壽星仔揀咗燒肉 ，個拼盤有五,六款牛肉、豬肉、雞肉，牛肉有肉味又有肉汁，加埋汁燒幾正。

放題食物都多，有日本刺身、壽司、泰國菜、串燒、天婦羅、和食、小炒、飲品、甜品等等成二百款野食，仲有埋日泰火鍋，真係飽到嘔，好抵食！壽星encore左串燒同天婦羅，都係濃味香口野，成埋汁好惹味。