漁獲浜燒 (已結業)

踏入二月生日月，晚市冇得堂食係有啲掃興... 午市照殺！搵埋另一位水瓶寶寶 @kisscandiss 食第一餐生日飯 🥳 美人魚(?!)首選海鮮是常識吧 🧜🏻‍♀️ #漁獲浜燒 出名新鮮，上個月前食完，已經忍唔住翻兜 🌊 沖繩風沙律超多沖繩海葡萄，口感似飛魚籽非常清新爽口，每咬一啖都爆出大海嘅鹹鮮，配埋雜錦魚生，開胃！🦞 波士頓龍蝦活貝浜燒盛盒波士頓龍蝦兩食，用蛋黃醬浜燒，齒頰留香；貴妃蚌同北寄貝放入清酒同昆布湯底煮，特別鮮甜，湯汁混合貝類嘅鹹鮮好好飲！ 帶子大過我塊面，分別用清酒同牛油煮，一個清甜，一個香濃，一次滿足我兩個願望！🦀 鱈場蟹浜燒鱈場蟹本身有甜味，唔洗落醬都好食；啖啖肉，又唔洗自己剝殼，上多幾隻我都食得落！🎂 生日飯點可以冇酒同甜品呢，柚子梅酒超甜好啱女仔 🍶 甜品有朱古力窩夫同芝士蛋糕作結 🍰 其實午市又有咩好怕喎，全單七折，盛盒八折，開心返晒！希望新一年，繼續日日有食神 😋