The Stadium (已結業)

每逢有喜慶節日或者慶祝活動，就會諗起嚟The Stadium, 最鍾意坐outdoor seats, 唔會好迫夾可以舒舒服服同朋友飲嘢傾偈，同埋距離地鐵站唔係太遠，就算唔揸車都好方便，今日就同朋友慶祝生日Fish and chips每一次必叫嘅 item, 魚柳外脆內軟，唔鬆散，脆槳唔厚，剛剛包裹好魚柳，最鍾意點少少沙律醬加沙律菜同食，我最愛嘅薯條就算放耐咗都非常香脆，送酒一流Beefy mushroom burger Angus beef好濃郁牛味，連平時少食牛既我都覺得好好食，肉質靚medium 啱啱好，配合蘑菇同煙肉更惹味，必食item又多一樣Roast whole chicken平時燒春雞都會原隻上，但會食得比較論盡，呢度好貼心將隻雞分切好，方便用刀叉食用，好細心，雞肉細緻滑溜，醃製得雞味突出陣陣肉香，連配菜都有好香香草味人係好貪心嘅，樣樣都想食，叫多啲人嚟就可以試多幾㗎，所以我好快就約定朋友復活節會再嚟