影片
更多
2008-06-09
14 浏览
都話阿倫成世人最益我未必係同我拍過拖, 而係讓我識到班咁好ge朋友!好姐妹Yan Yan生日, 一班好朋友又出來聚一聚食番餐. Yan Yan建議話呢度有個叫天地宴, 六位原價$833, 星期一至四特價$666, 大家決定食呢個.1) 跟餐的飲品有大喜力一枝, 竹庶茅根水一jar同汽水一罐.2) 鮮果大蝦沙律 - 太多沙律醬, 好酸, 大蝦幾爽甜, ok la.3) 五福喜躍龍門 - 燒鱔乾身欠蜜味, 海哲唔夠麻香, 燒鴨皮厚不脆肉幾鞋, 叉燒幾肥嫩, 算最好.4) XO醬萬壽貴妃 - 貴妃蚌幾爽口, 但唔夠味.5) 蟹子石斑金鑲玉 - 完全唔知乜家科. 有幾丁粒蟹子, 入面一舊蓉狀物體, 唔知係乜, 又唔見有石斑踪影, 唔通磨咗蓉? 但唔覺有魚味喎!6) 冬林竹笙蟹肉翅 - 湯底鮮甜不足, 蟹肉唔多覺有, 翅少, 仲要加埋d冬瓜絲, 又削又寡又怪.7) 金錢扒海螺片 - 正正常常, 唔難食8) 清蒸游水海斑 - e個最好. 蒸得剛離骨, 肉質嫩甜.9) 秘製燒琵琶雞 - 皮唔脆, 肉質過得去, 但無乜雞味.10) 長壽伊麵 - 幾夠味, 爽身唔油膩. 好ok.11) 一口蟠桃 - 我
好姐妹Yan Yan生日, 一班好朋友又出來聚一聚食番餐. Yan Yan建議話呢度有個叫天地宴, 六位原價$833, 星期一至四特價$666, 大家決定食呢個.
1) 跟餐的飲品有大喜力一枝, 竹庶茅根水一jar同汽水一罐.
2) 鮮果大蝦沙律 - 太多沙律醬, 好酸, 大蝦幾爽甜, ok la.
3) 五福喜躍龍門 - 燒鱔乾身欠蜜味, 海哲唔夠麻香, 燒鴨皮厚不脆肉幾鞋, 叉燒幾肥嫩, 算最好.
4) XO醬萬壽貴妃 - 貴妃蚌幾爽口, 但唔夠味.
5) 蟹子石斑金鑲玉 - 完全唔知乜家科. 有幾丁粒蟹子, 入面一舊蓉狀物體, 唔知係乜, 又唔見有石斑踪影, 唔通磨咗蓉? 但唔覺有魚味喎!
6) 冬林竹笙蟹肉翅 - 湯底鮮甜不足, 蟹肉唔多覺有, 翅少, 仲要加埋d冬瓜絲, 又削又寡又怪.
7) 金錢扒海螺片 - 正正常常, 唔難食
8) 清蒸游水海斑 - e個最好. 蒸得剛離骨, 肉質嫩甜.
9) 秘製燒琵琶雞 - 皮唔脆, 肉質過得去, 但無乜雞味.
10) 長壽伊麵 - 幾夠味, 爽身唔油膩. 好ok.
11) 一口蟠桃 - 我無食. 大家都話: 點解個尖尖向上篤? 好怪雞...
12) 重有合時鮮果
後話:
因為我地有7個人, 服務員建議我地比多$111加多位. 我地問係咪有需要, 佢就實牙實齒話一定要, 因為好多碟要加位先分到....
結果除咗果碟超難食嘅"蟹子石斑金鑲玉" (即係一舊唔知乜嘅炸野)多了一舊外, 其餘嘅份量根本同6人無分別. 最離譜的係個金錢扒海螺片的冬菇只有6舊, 而螺片就得6.5片. 咁我覺得唔對路, 响佢未上晒菜之前就叫個西裝服務員來問下.
我將意見反映, 佢聽我講完一輪, 話會跟進. 跟住走咗去, 之後一直迴避我的目光, 完全無下文.
食完埋單, 我見張單完全無變動, 就同幫我地埋單ge女服務員重申我的意見, 佢好似乜都唔知咁, 似乎頭先哥位瘦削西裝哥仔真係聽完就算.
咁個女服務員就叫我放心, 佢地每樣餸都有用電子磅秤過, 入哂電腦. 我話係咩咁你有冇record我睇睇, 佢又話無.
之後個狀似經理的西裝哥哥同我講其實佢地係有加份量的, 不過我地常人用肉眼可能察覺唔到. 咁我話既然你都講就咁睇係睇唔到個分別. 即實際都唔會有好大分別啦, 同你地落單時講嘅野好有出入喎.
跟手我話其實百幾蚊唔係多, 我地每人除番都係十零二蚊, 我地亦無話你地明厄, 只係有時做生意手法唔同, 顧客對店方都會留有唔同印象. 好似我有時去酒樓5人食4人餐, 問佢夠唔夠, 咁佢會話應該夠, 唔夠再叫. 如果你係客人, 聽到咁講, 對店方印象好唔好呢?
咁佢都從善如流, 但因為巳落咗單, 野又食埋, 好難再改. 不過佢就送咗張糭券比我地. 咁佢都有made effort, 算係咁.
值得一讚嘅係女服務員同狀似經理嘅男店員態度非常好, 亦好有禮貌, 但果位瘦削d的西裝哥仔就好唔掂了.
講番野食, 都幾唔掂. 不過百零蚊, 免茶芥免加一, 又唔能夠太苛刻的.
不過點都好啦, 至緊要大家相聚一刻, 開開心心.
张贴
