更多
2018-06-28
181 浏览
同朋友喺荃湾打完波，就系熊猫酒店商场揾食。见到呢间都几满座，虽然都多人等位，但入座快，所以就决定呢间。等待嘅同事大家都系度望下个餐牌， 见到佢都有两款选择，一款系包埋日式料理($218)，另外一款就唔包净系火锅同甜品($168)。 早知就打多两局， 因为九点半后入座仲可以平多啲。等咗唔使十分钟就有位， 入面原来都几大。 好彩我哋四个有卡位坐， 因为个场中间𠮶啲枱会比较逼。 等位嘅时候大家都决定食贵啲𠮶个因为大家都钟意食刺身。 一坐低 员工即刻问我哋要咩汤底，亦都好快将我哋嘅蕃茄火锅汤底送上嚟。 我哋都狂风扫落叶咁落咗一大堆柯打。饮品选择都几多。拣完嘢饮，调好酱汁，火锅料都已经到左。因为太肚饿，所以就食咗肉类先。首先食咗美国极上牛肉：唔会太多肥膏，牛肉味香浓,，唔会话太油香果种。 之后追加果一碟，质素更加好，牛味更浓。 美国牛肉： 虽然相比系肥啲，但比起酒楼货色好，牛味浓啲。羊肩肉：好味唔骚，即使系蕃茄汤底但系都食到羊肉味重。 肉类最特别系个豚肉，切割到每片都有少少软骨，每啖都好爽脆 。火锅肉类总评价系几好，值得推介。火锅海鲜类的蚝最正，大只又肥，好饱满多汁。虾都好新鲜，肉质爽身。鲍鱼都
等待嘅同事大家都系度望下个餐牌， 见到佢都有两款选择，一款系包埋日式料理($218)，另外一款就唔包净系火锅同甜品($168)。 早知就打多两局， 因为九点半后入座仲可以平多啲。
等咗唔使十分钟就有位， 入面原来都几大。 好彩我哋四个有卡位坐， 因为个场中间𠮶啲枱会比较逼。 等位嘅时候大家都决定食贵啲𠮶个因为大家都钟意食刺身。 一坐低 员工即刻问我哋要咩汤底，亦都好快将我哋嘅蕃茄火锅汤底送上嚟。 我哋都狂风扫落叶咁落咗一大堆柯打。
饮品选择都几多。拣完嘢饮，调好酱汁，火锅料都已经到左。
羊(左上)，极上牛(右上)＋豚肉(下)
19 浏览
0 赞好
0 留言
因为太肚饿，所以就食咗肉类先。
首先食咗美国极上牛肉：唔会太多肥膏，牛肉味香浓,，唔会话太油香果种。 之后追加果一碟，质素更加好，牛味更浓。 美国牛肉： 虽然相比系肥啲，但比起酒楼货色好，牛味浓啲。羊肩肉：好味唔骚，即使系蕃茄汤底但系都食到羊肉味重。 肉类最特别系个豚肉，切割到每片都有少少软骨，每啖都好爽脆 。火锅肉类总评价系几好，值得推介。
火锅海鲜类的蚝最正，大只又肥，好饱满多汁。虾都好新鲜，肉质爽身。鲍鱼都好鲜甜。 墨鱼滑同其他丸类都ok，唔会沟太多粉。
极上牛
14 浏览
0 赞好
0 留言
美国牛
14 浏览
0 赞好
0 留言
火锅蚝+虾
11 浏览
0 赞好
0 留言
煮紧海鲜嘅时候，炸物同刺身都到咗喇。
刺身入面最钟意当然系我嘅至爱甜虾，然后就到三文鱼刺身，好肥美。其他都食得出系新鲜货。 炸物就比较唔够香口，当中最好食系芝麻鸡翼，每人叫多左一只。其他食咗一round就无再加，留番啲quota俾呢到最出名的甜品。
刺身
16 浏览
0 赞好
0 留言
食到呢度先觉得奇怪点菜纸呢度冇蔬菜类。 后来出去再行多圈先发现原来另外一边有个counter系摆蔬菜同其他配菜类。 仲发现咗甜品出菜位，睇到师傅真系即接order即做甜品。
好惊喜咁发现咗两样嘢好少喺其他地方见到嘅：第一样就系西兰花梗，第二样就系曲嘅薯粉。 薯粉软身得你好烟韧，好正！
当我仲食紧第二round嘅刺身同火锅嘅时候， 有朋友已经忍唔住开始食甜品(果时发现点菜holder上，甜品纸已经无哂，应该系好食到俾头一round的客用哂)。朋友一食就停唔到，话好味到翻唔到转头，决定净系继续叫甜品……
估唔到之后我都同佢一样，每人都食左2客窝夫，2客pancakes，当然仲有其他果啲…好彩甜品份量每样都唔系太大，可以全部都点到试到。全枱一致赞同最最最好味的甜品系窝夫，外脆内软，好多酒店都未必整得有佢咁好。 之后抹茶芭菲同pancake都好好食。朱古力同咖啡奶冻都好香浓， 豆腐mousse味道好清新。
呢度嘅甜品果然唔系浪得虚名，真系未食过放题有咁高质素嘅甜品。呢2个钟食得好满足，望到连前面卡位果枱日本人都食得好满意咁，下次若有日本朋友黎香港，都可黎呢到开饭。
甜品
17 浏览
0 赞好
0 留言
甜品
32 浏览
0 赞好
0 留言
张贴
