阿妹糖水 (已結業)

食完別府覺得仲未見飽，所以去食甜品。店裡古色古香，好懷舊，一入店就聞到好香既窩夫味。於是我地不約而同咁叫左窩夫類。抹茶紅豆窩夫，紅豆份量夠，而且紅豆好大粒好綿。雪糕比較硬，旁邊有件cream,三者合而為一味道剛好。蘋果玉桂窩夫既蘋果醬整得好，黏黏的，蘋果肉煮得綿中帶脆，少少酸，惹味，可惜完全食唔出有玉桂味，今次配左朱古力雪糕，味道幾夾。整體窩夫甜品賣相好靚，份量好足，共有四塊，件件夠厚而外脆內嫩，少食不錯，食足成份就太甜太漏，食完好飽但好口渴，因為紅豆偏甜，雪糕都係，窩夫多食就會覺其實都幾甜。愈食愈有種感覺係好想飲水同好飽，之後就會食得愈黎愈慢。