更多
2019-07-03
753 浏览
星期日去咗西贡行山，大约行到下午4点几就喺将军澳大大小小商场行吓。行到咁上下就要医肚喇。因为晚饭时间尚早，所以餐厅都唔多人，唔驶等位。两个人叫咗两个前菜，两个主菜，两款甜品，其实谂翻都觉得过份，好在早上做运动有消耗到。头盘先嚟一碟泰式三文鱼薄片，叫嘅时候无想像过系咩味，以为只系一般沙律前菜咁，泰式呢个只系得个名。估唔到食落惊喜㖞！所谓泰式原来系类似食泰式生虾嘅酱汁，微酸少辣，配上三文鱼食都系第一次，都几特别，几惹味。另一前菜系冬荫公配意大利云呑，一大由于我自己钟意浓味嘅，呢碗冬荫公汤味道就略为淡咗少少。至于云呑的的骰骰，胜在唔会食唔落之后嘅主菜。主菜分别叫咗蟹肉黄咖哩饭同鲜虾带子墨鱼汁面。蟹肉黄咖哩饭颜色好抢眼，摆上枱无耐已经急不及待要去试吓佢。同平时嘅咖哩有d唔同，呢个系比较杰身，用嚟捞饭真系一流嘅！黄咖哩唔辣，反而有淡淡嘅蛋香，配上蟹肉，完全无抢去蟹肉嘅鲜味。另一道主菜鲜虾带子墨鱼汁面，带子系珍宝size，就算煮熟咗，直径都有一个乒乓波咁大！虾亦都肉质够结实而且弹牙，非常唔错！墨鱼汁面比一般意粉味道较浓，配上简单海鲜已经几好味，呢个食落去有少少辣辣哋，都几正架！最后两个甜品分别系招
因为晚饭时间尚早，所以餐厅都唔多人，唔驶等位。
两个人叫咗两个前菜，两个主菜，两款甜品，其实谂翻都觉得过份，好在早上做运动有消耗到。
头盘先嚟一碟泰式三文鱼薄片，叫嘅时候无想像过系咩味，以为只系一般沙律前菜咁，泰式呢个只系得个名。
估唔到食落惊喜㖞！所谓泰式原来系类似食泰式生虾嘅酱汁，微酸少辣，配上三文鱼食都系第一次，都几特别，几惹味。
另一前菜系冬荫公配意大利云呑，一大由于我自己钟意浓味嘅，呢碗冬荫公汤味道就略为淡咗少少。至于云呑的的骰骰，胜在唔会食唔落之后嘅主菜。
主菜分别叫咗蟹肉黄咖哩饭同鲜虾带子墨鱼汁面。
蟹肉黄咖哩饭颜色好抢眼，摆上枱无耐已经急不及待要去试吓佢。同平时嘅咖哩有d唔同，呢个系比较杰身，用嚟捞饭真系一流嘅！黄咖哩唔辣，反而有淡淡嘅蛋香，配上蟹肉，完全无抢去蟹肉嘅鲜味。
另一道主菜鲜虾带子墨鱼汁面，带子系珍宝size，就算煮熟咗，直径都有一个乒乓波咁大！虾亦都肉质够结实而且弹牙，非常唔错！墨鱼汁面比一般意粉味道较浓，配上简单海鲜已经几好味，呢个食落去有少少辣辣哋，都几正架！
最后两个甜品分别系招牌椰子千层蛋糕同埋芒果糯米饭。椰子千层蛋龙有粒粒椰子肉，椰香味十足，真系不愧为招牌货！至于芒果糯米饭更加无需介绍，去泰国餐厅必食嘅甜品，永无失败啦！
张贴
