更多
2011-09-29
42 浏览
又黎写自助餐食评喇!!哈哈.....今年系食得最多自助餐既一年呢难得今次系老公朋友仔拣Greenery.我都想食好耐架喇~~但没有老公的生蚝...所以先冇黎试过!我地仲系中秋节正日黎食添!!一入到去.哗!!个环境真系ok.好宽敞.好开扬.而且仲有人弹琴唱歌添~~可能早订枱既关系.我地坐得好近拎野食!!主要野食都系围圈既.另外甜品,刺生,车仔面档就系隔离!骤眼睇都几多野食架.但我觉得除左甜品.又无话边样特别突出啰.冻海鲜(长脚蟹, 虾, 龙虾仔, 青口, 蟹)长脚蟹麻麻.唔系特别好味!其余海鲜都系一般...烧味档食左主打既海南鸡饭,食落唔系好好味,不过都OK,但谂住佢用得黎做啅头就以为真系好好好好味....之前其他人话个师傅会问你要鸡脾定鸡胸,但可能我好迟先去拎,佢冇问到就直接畀左鸡胸我地啰!!汤中式有炖汤, 西式有周打蚬汤我自己觉得个炖汤麻麻, 不过老公就话几好, 可能系我饮唔到个阵味啦~不过个周打蚬汤就几好味!!串烧档(有烧冬菇, 粟米, 肠仔, 鸡串, 羊扒...)除左羊几好味, 其他都好普通.....即煮意粉朋友仔们帮我地拣的,有得拣唔同汁同配料!我地食左个蕃茄味的,但唔系好记得
难得今次系老公朋友仔拣Greenery.我都想食好耐架喇~~但没有老公的生蚝...所以先冇黎试过!
我地仲系中秋节正日黎食添!!
一入到去.哗!!个环境真系ok.好宽敞.好开扬.而且仲有人弹琴唱歌添~~可能早订枱既关系.我地坐得好近拎野食!!
主要野食都系围圈既.另外甜品,刺生,车仔面档就系隔离!
骤眼睇都几多野食架.但我觉得除左甜品.又无话边样特别突出啰.
冻海鲜(长脚蟹, 虾, 龙虾仔, 青口, 蟹)
长脚蟹麻麻.唔系特别好味!其余海鲜都系一般...
烧味档
食左主打既海南鸡饭,食落唔系好好味,不过都OK,但谂住佢用得黎做啅头就以为真系好好好好味....
之前其他人话个师傅会问你要鸡脾定鸡胸,但可能我好迟先去拎,佢冇问到就直接畀左鸡胸我地啰!!
汤
中式有炖汤, 西式有周打蚬汤
我自己觉得个炖汤麻麻, 不过老公就话几好, 可能系我饮唔到个阵味啦~
不过个周打蚬汤就几好味!!
串烧档(有烧冬菇, 粟米, 肠仔, 鸡串, 羊扒...)
除左羊几好味, 其他都好普通.....
即煮意粉
朋友仔们帮我地拣的,有得拣唔同汁同配料!
我地食左个蕃茄味的,但唔系好记得有咩料,哈哈...不过呢样几好味!!
热荤
特别有印象既系椒盐濑尿虾同千层面!!!呢两样算系最好味!!
刺身寿司
刺身有七款,但我地都只系食左三文鱼,八爪鱼,吞拿鱼! 都几好味! 但上次食marco polo厚切既三文鱼正好多~
寿司系火炙既,呢个我觉得几特别!! 好少buffet会有! 火炙鳗鱼, 玻璃虾, 同玉子都好味!!甜品
又到我既最爱~~哈...我觉得系成个buffet最出色既!
佢有个即煮pancake,真系好好味!! 首先你可以拣原味底或pandan底,馅料可以拣生果,雪糕或nuts!我就试左个pandan底加朱古力雪糕加香蕉!!哈哈....如果可以,我想食多个原味添架!!
食完个pancake就轮到其他甜品喇!!
佢个甜品柜有10款甜品到啦! 我都试左一半架~~
Tiramisu真系人人都攞㖞,我都唔执输试下啦梗系!! 我觉得酒味太浓了, 不过都好味!仲有chocolate mousse cake, 呢个真系好好好味!!! 连我平时唔系太好mousse cake都觉得超好味~~
佢啲甜品都会转下款架, 因为我发现影左既相无我食个啲甜品~
个日中秋仲有月饼添,不过唔系太多人拎...哈!
其余仲有朱古力喷泉,puff,红豆沙.
雪糕有5款,有士多啤梨,朱古力,云呢拿,咖啡,仲有一样唔记得...啲味普通到不得了...
另外,每人仲会送一只饱鱼添,不过好un...
总结,如果你食buffet唔系食海鲜为主,都可以黎呢到试下!
其实佢算系几多选择,几多野食,但除左甜品之外,我又唔觉得其余有乜食物特别突出...
如果有coupon再黎食既都ok既!!
张贴
