甘甘好蔗 (已搬遷) 新店位置

食完飯之後覺得好口渴，行過呢間蔗汁店覺得佢好特別，而且竹蔗汁相比其他肥仔水又健康，位置就正正係肥姐小食店隔離，所以就喺度買咗嘢飲試吓。每一杯飲品都會有抽獎，我哋咁啱抽中咗有得下次減$5 ！蔗杯葡萄🍇 +原味晶球葡萄配上蔗汁都係第一次飲，估唔到味道咁夾！而且葡萄係大皮，成個感覺好清新。原味晶球口感好得意，好似食緊粒好煙韌嘅提子咁。蔗杯薄荷☘️+馬蹄雪晶露見到佢哋即刻攞條蔗去柞汁，係真材實料，再加埋薄荷，感覺好清新。啱啱先食完啲好肥膩嘅燒烤嘢飲，特別覺得消滯。