瓊天 (已結業)

食一餐養生飯餸，頓覺腸胃舒服點☺️銅鑼灣有間專門食海南雞嘅小店，有無激素雞同燉湯，今日決定嚟食吓！海南雞拼肉骨茶標榜用無激素海南雞，雞肉滑嫩，份量多，其中有一個套餐配埋肉骨茶，好豐富。脫骨海南雞撈檬海南雞拼撈檬比較創新，用日式芝麻醬撈，都幾夾喎。五指毛桃海底椰北菇燉唐排｜花膠螺頭桂圓湯兩個燉湯都非常足料，熱辣辣原盅上，所有材料嘅精華都係湯入面。上湯浸菜心｜馬來黑叉燒 上湯內有蟲草花同紅棗，叉燒比平時食開嘅唔同，偏瘦無肥膏。