豫園

因為有網上優惠所以一試新地方，喺OpenRice度大約參考過價錢，本來估計係一個中高價酒樓，本來期望服務會幾好， 但結果比較失望。

由於可能有網上優惠所以不斷都有人Walk in，因為個場好細所以都係得兩三個待應，但啲姐姐表現就比較hea,叫極都唔回應。

燻蛋正常，醉雞酒味濃都幾好食。春卷無乜餡，XO醬炒腸粉冇乜味，亦食唔到XO醬味，問姐姐拎甜醬佢話呢度冇甜醬。有腸粉賣嘅地方點解會冇甜醬好奇怪。。。

不過有網上優惠我覺得都合理一點，因為如果原價我覺得真係唔值呢個價錢呢個服務。