DPD Deluxe (已結業)

呢間餐廳係香港西餐加大排檔改良嘅高級餐廳，所以叫做DPD deluxe ,睇OpenRice啲人話呢間餐廳係五星級酒店主廚主理既餐廳，所以個人對呢度嘅食物都幾有期望，閑日夜晚過嚟食，環境好chill,睇落似高級西餐廳多個大排檔頭龍蝦濃湯口感順滑Creamy,龍蝦味香濃仲配有龍蝦肉，味道層次提升不少意式蕃茄蝦扁意粉呢個味道好有驚喜！汁醬食落似係新鮮蕃茄醬製成，甜酸度適中，同埋隻蝦半生半熟，好新鮮❤️仲有軟硬度適中嘅意粉，呢度菜真係食到酒店級水準壓軸登場香草海鹽烤焗美國頂級肉眼扒呢道菜係個人覺得係成間餐廳嘅必點之選，由於係即叫即焗嘅關係，要預番啲時間去耐心等待，不過等待係絕對值得，首先美國肉眼扒係五成熟，熟度剛好，非常Juice肉汁嫩滑，牛味香濃，另外配上海鹽焗，係類似鹽焗雞嘅道理，會將啲鹹香味帶落塊牛扒度，令整塊扒味道層次提升左，再加上三款醬汁，分別係芥末醬，橄欖油同埋甜甜地嘅香醋醬同大量新鮮火箭菜同蕃茄，有助解油膩，味道令人回味最後甜品係芝士蛋糕，芝士味比出面食開嘅略有分別，比較light,但係芝士味好香同埋口感好順滑，為呢餐飯畫上完美句號