日和号壽司料理 (已結業)

今日同老公到九龍灣宜家傢私行行，晚餐順便在日和號解決，因為店鋪不止地方大，坐得舒服，現在刺身壽司還做緊半價活動，好啱我同我老公呀！一不小心嗌左20款壽司😝。值得一讚是上菜速度好快，刺身拼盤先上檯，嗌左北寄貝、八爪魚、甘海老和帶子刺身。食物很新鮮，帶子甘甜有彈性；八爪魚爽口鮮甜。吉列炸生蠔和吉列炸蝦壽司：生蠔老公最愛，一口氣嗌左4隻，話蠔子新鮮，外層卜卜脆，好有層次感。蝦身就比較軟身，但都好食。玉子、腐皮、鰻魚、蟹柳、帆立貝壽司都係我最愛，食得停不下來。最正係親子花之戀，大大塊三文魚包住大大粒魚籽，魚籽好甜，味道正。而且連八爪魚小丸子都是半價之選，真係好抵食。