Pentola (大埔藝術中心)

营业中

休息中

位於大埔藝術中心嘅手工意粉餐廳。環境舒適，空間感充足。 🍲 是日餐湯（蕃茄雜菜湯？不過唔係羅宋湯）：蕃茄味濃郁，雜菜都好豐富。 🍏 青蘋果水耕菜沙律：青蘋果、水耕菜、堅果、提子、蜂蜜油醋醬。一個幾清新嘅沙律 🍄‍🟫 大啡菇溫泉蛋炒手工意粉：大啡菇、溫泉蛋、雜菜、醬油、手工意粉。有少少日式炒拉麵嘅感覺。 🦐 焗蒜蓉牛油大海蝦意粉：大海蝦、車厘茄、海鮮濃汁、海鮮牛油、手工意粉。大細係相對嘅，隻海蝦只可以話大過細嗰啲，唔要個「大」字可能無比較無傷害。整體味道唔錯，不過蝦同意粉就各自各精彩，好似構成唔到一個dish咁。個phrasing係「焗蒜蓉牛油大海蝦｜（茄汁）意粉」instead of「焗｜蒜蓉牛油大海蝦意粉」，無貶意，純粹係一個美麗嘅誤會。 🍝 手工意粉偏向有「咬口」，一般香港人未必食得慣或者接受到，不過我覺得OK嘅，食落似粗少少同硬身少少嘅油麵。 公道啲講，整體用餐體驗係OK的，沙律、湯、餐包都幾好味，只不過手工意粉沒有很驚艷的味道或者感覺，想坐得舒服食餐飯係唔錯嘅選擇。