MEMOIR (已結業)

果日同個朋友上左呢間新開既餐廳 開頭都係睇岩佢環境舒服 好岩傾計 因為追梗個朋友 見到咁嘅環境就去啦 但估唔到野食都唔錯 幾好味 重點係價錢都唔貴 頭盤就上咗個湯 個湯有種好特別嘅香味 飲完都好開胃 之後鵝肝配蘋果蓉嗰種味道肥而不膩好過癮 主菜揀左羊架 好嫩好多肉汁 一啲都唔so 我仲俾左朋友試下佢話幾好食 我同佢講係羊佢都唔信 因為佢唔中意食羊 笑左🤣 而朋友主菜揀左茄子 賣相好靚好特別 第一次見茄子係咁樣食法 仲要味道唔錯到甜點我揀咗抹茶雪糕 都唔錯 重茶味得來又唔苦 正👍 到賣單先知仲有折打 環境優美食物唔錯 同朋友去傾計食野一流 同埋果到有個靚仔唔知係經理定老闆 佢好好人 😝