鳥炎屋

日式居酒屋真係一個適合同朋友邊食飯邊傾計既好地方，最近就去左TST既【鳥炎屋】。人流比較少、傾計都比較舒服。

油甘魚刺身：油甘魚非常肥美、魚油味唔會太過重、而肉質軟嫩。

番茄牛油果沙律：番茄好多，沙律菜好新鮮、用麻油醬油醬汁調味又唔會蓋過蔬菜既鮮味。

鐵板牛柳粒：裏面有雜菇、洋葱同牛柳，牛肉好軟霖、雜菇好入味，不過有少少偏鹹。

日本鷄髀肉串：肉質軟霖好juicy，汁燒又唔會太鹹
手羽鷄翼串：外面燒得好脆、而裏面好juicy，推薦。

木魚絲苦瓜玉子薄餅：其實本身唔食苦瓜，但店員推薦，所以就試下。完全唔苦、同鷄蛋好match。

鰻魚炒飯：新鮮炒起、鰻魚量都好多，完全無腥味，甜甜鹹鹹、飯粒粒分明。