爵樂印度餐廳 (已搬遷) 新店位置

記得舊年曾經响雜誌睇過關於呢間餐廳嘅食評，有幸前晚可以試吓。好彩有book位，去到已經九成滿。呢度有現場樂隊彈奏印度音樂，亦有好多印度人同遊客幫趁。作為夏利里拉家族旗下嘅食肆，質量已肯定有一定嘅保證。我同朋友其實都只係叫咗兩個主菜同一份菠菜餡餅(另加我嘅至愛naan bread)，其實主菜嘅份量唔算係好多，但係都已經食得好飽，個chicken madras整得幾好食。