六小館 (已結業)

有一排冇黎東涌行outlet，發覺多左好多野睇，大左，仲多左好多餐廳。同媽行完街去飲茶，見到哩間裝修得好靚，就坐底左。喺戲院果層，環境好大又雅緻。有多款特色點心，有傳統既亦有自家創新既，有d名好特別有趣。仲有小菜、粉麵飯。蘿蔔絲酥 $48好飽滿好吸引呀！炸到金黃色，一咬鬆軟，蘿白清甜。波兒蝦餃 $48會唔會太可愛！三條魚仔造型，哩個必點點心。打卡一流！醬皇金錢肚 $38哩個好入味辣辣地，吸引d汁，炆得又林，好食。鮮淮山棉花雞 $48哩個媽最中意食，鮮淮山食材健度，魚肚吸晒上湯精華好入味，雞肉滑調味又好。食完波兒唔夠喉叫多籠傳統水晶蝦餃先！三粒好飽滿，蝦肉爽口鮮味，好食。黑毛豬揚州炒飯 $128炒飯大碟，炒到粒粒乾身，有好多蝦仁同黑毛豬叉燒，足料夠鑊氣。