海陽。居酒屋

营业中

休息中

同朋友行街行到肚餓，經過見到間裝修幾有格調嘅日式居酒屋，就同朋友入去叫咗啲小食試吓啦入到黎，留意到侍應態度唔錯，帶位，收餐牌呢啲都幾有禮貌。先係同朋友點咗玉子燒，口感好柔軟，原來係凍食黎，有淡淡嘅檸檬香好清新。本來想試試雞串燒拼盤，可惜冇材料冇得叫了，就試試另外嘅雞串，上面嘅醬料鋪得好平均外觀唔錯，食落都比一般雞串易入口，魚子醬味道唔濃唔淡，感覺幾好。最後試咗左口魚壽司同雞泡魚乾。左口魚感覺幾新鮮，入口鮮滑。雞泡魚都燒得好入味好香，好有咬口。同朋友食完，對餐廳整體感覺都唔錯，野食雖然未到好高質素，但都物有所值，相信以後會再黎😋