雷橋燒肉日本料理 (已結業)

有朋友黎过所以推荐左新雷桥比我，所以朋友聚旧黎左呢度。 店面都几大，都有唔少人，但好快就有位坐啦。呢度暗暗地，岩晒我地班老友倾计。侍应人唔多，但服务都算周到，会有侍应推荐我地食咩好。 坐低既时候就比左杯野我地，话系Welcome drink，每人只有一杯，唔知咩嘅黎，但饮起黎甜甜地，又几清新。 我地最钟意食刺身，呢度既刺身都唔错，几新鲜。炸物脆而不油腻，食多几个都无罪恶感。芝士年糕有流心唔错，海老天妇罗外面脆脆，里面虾肉有咬口，几好。我们几人食左好多烧肉同刺身，烧肉有好多种可以拣，都几新鲜惹味，肉烧过都唔会好「UN」，我比较钟意葱酱肉类好入味。喜爱食水果既话可以试试菠萝，够甜又多汁。整体上都几满意，以后聚餐会考虑再去。