吞POT 雞煲火鍋.住家菜 (譽發廣場)

店鋪位置勁方便，出地鐵行幾分鐘就到，無用餐時限，入到去都好寛蔽，所以就算坐滿人，都唔覺得好嘈，食物方面兩個人叫咗芫茜皮蛋鍋、雜丸(四款共8粒)、芝士響鈴、頂級雪花肥牛、兩杯大咸檸七。

芝士響鈴幾特別，不過有d漏漏地，雜丸大大粒，但口感有d粗糙，寧願細粒d，用好d材料，肥牛係應有水準。

服務方面，當我想再添醬料時，侍應要我等其他枱用完至比我，咁我等緊時，我見盤醬料由另一個侍應係一枱客擺去另一枱客，我又等下啦，見果枱客又添完，但冇人攞比我，我再問至有．．咁係咪代表全場得一盤醬料？