江南瀨粉 (福榮街) (已結業)

同朋友係西九龍中心行完街，見到間鋪幾岩食，就坐底左。依間鋪頭唔同深水埗一般粉麵店，燈光好通明，環境乾淨，仲要唔逼，同Friend係晚餐時段可以share一張圓枱，可以舒舒服服慢慢食。食物既價錢都係深水埗style,相當親民，一個小食十幾二十蚊有交易，麵底都係廿幾蚊，有四款湯底選擇，十幾款配料。於是我同朋友各自叫左一個粉，同埋幾款小食share。小食方面，手拍青瓜味道幾豐富，酸辣度剛剛好，青瓜又新鮮爽口。雞翼熱辣辣上枱，皮脆肉嫩。墨魚滑配上酸辣醬都幾易入口。最出名既鮮製瀨粉的確幾特別，比普通瀨粉粗同彈牙。蕃茄湯底值得一讚，多茄肉之餘，食得出新鮮蕃茄味，唔似連鎖店既咁多加工太濃味同茄醬味。特別要提一提既係豬潤，厚切之餘，相當juicy，唔似出面既會煮到好乾，果然係十大必食。