去到見到環境唔錯，唔算係好大好豪華嗰種中餐廳，不過因為樓底高(兩層樓)都落地玻璃夠光猛，整體環境算舒服，坐近窗邊第二行嘅大枱，點咗個六人套餐另加點心，中茶就係餐廳自已調嘅鐵觀音，味道有點特別，不過我唔識茶但幾香，主菜都一如預期，味道算不錯材料新鮮符合這地這價錢，但未至於到非食不可，所以我無影食物嘅相，不過我朋友讚不絕口，可能海景及優雅令佢哋心情大好吧，咁嘅環境招呼朋友或客人絕對可以，值得推介！
另外補充：
1. 套餐最後上嘅甜品係芒果椰汁西米露，西米露係好似分子料理咁一大粒有有膜包著，一拮就穿幾得意，好味！
2.見有食評話服務員無禮貌，我當日就覺得ok, 服務員都係年青人為主，明顯感覺都有指定嘅基本禮貌，不過我點嘅點心紙最後發現無落單就差少少，明顯有人忘記，不過唔影響心情
3.iSquare最麻煩(應該係尖沙咀食飯)就係泊車，無位泊full晒，我泊路邊算，附近最近嗰個政府車場一早執埋，私人場時租$30至$50都未必有位, 政府都係帶頭衰先，無得講！
1
