1仔冰室

平時嘅常餐大多都係湯麵或者米粉配上五香肉丁/沙爹肥牛/叉燒，好少見到會有撈公仔麵。 好奇心驅使下就叫咗黎試下。

呢個餐嘅份量相當多，塊多士好厚，仲有啲脆，只可惜已經唔熱啦！
炒蛋應該用咗好多油去炒，食到成個碟都見到啲油，感覺好肥膩。下次再嚟嘅話應該會嘗試奄列。

瑞士汁嘅味道適中，唔會太濃，同撈麵好夾。下次可以自己喺屋企買瑞士汁試下。雞翼都幾大隻而且有三隻咁多，瑞士汁好入味，正！！
呢個常餐，好健康咁有啲伴菜西蘭花喺度，好可惜只係白烚完全無調味。