影片
更多
2024-12-04
913 浏览
今日難得有時間又有朋友推薦呢間餐廳，特登抽時間嚟試下見到喺Openrice訂座仲要有九折就即刻book咗，嚟到見到餐廳嘅裝修令人好舒服，完全係同朋友聚會傾計食好西或者享受me time嘅好地方！如果唔係驚阻住員工落場，都想坐耐啲唔願走（雖然員工唔介意，但都唔想阻人準備晚市同休息）前菜係煙三文魚沙律，跟埋麵包同雜菜湯，個麵包好好食（不過唔記得影相），羊架要咗5成熟，配埋個汁好夾！最值得提嘅係甜品焦糖燉蛋，本人係焦糖燉蛋嘅愛好者，好多年未食過蛋味咁濃郁咁滑嫩嘅焦糖燉蛋喇，如果唔係太飽都想叫多一份同返員工傾先知道原來佢哋係特登用日本蛋嚟整既，唔怪得知咁好味畀錢先知原來佢哋甜品個心太軟都係自家製，平時勁多人叫，所以員工見到我叫焦糖燉蛋都覺得有啲特別，下次嚟一定要叫個心太軟試下叫咗杯ice cappuccino做結尾（正常水平），食完呢餐覺得好幸福好滿足下次會叫多幾個朋友一齊嚟食，可以試多啲唔同嘅嘢真心支持呢類型嘅良心小店，令香港美食之都嘅名聲發揚光大
特登抽時間嚟試下
見到喺Openrice訂座仲要有九折就即刻book咗，嚟到見到餐廳嘅裝修令人好舒服，完全係同朋友聚會傾計食好西或者享受me time嘅好地方！如果唔係驚阻住員工落場，都想坐耐啲唔願走（雖然員工唔介意，但都唔想阻人準備晚市同休息）
前菜係煙三文魚沙律，跟埋麵包同雜菜湯，個麵包好好食（不過唔記得影相），羊架要咗5成熟，配埋個汁好夾！
最值得提嘅係甜品焦糖燉蛋，本人係焦糖燉蛋嘅愛好者，好多年未食過蛋味咁濃郁咁滑嫩嘅焦糖燉蛋喇，如果唔係太飽都想叫多一份同返員工傾先知道原來佢哋係特登用日本蛋嚟整既，唔怪得知咁好味
畀錢先知原來佢哋甜品個心太軟都係自家製，平時勁多人叫，所以員工見到我叫焦糖燉蛋都覺得有啲特別，下次嚟一定要叫個心太軟試下
叫咗杯ice cappuccino做結尾（正常水平），食完呢餐覺得好幸福好滿足
下次會叫多幾個朋友一齊嚟食，可以試多啲唔同嘅嘢
真心支持呢類型嘅良心小店，令香港美食之都嘅名聲發揚光大
张贴
