名果店

新開張冇耐，假期成日都大排長龍，好多人等，由於係新鮮即場搾，想飲嘅朋友記住要預翻啲時間！

但係舖面指示有少少唔清楚，加上周圍都係等攞野飲既人，我睇咗一陣先知買生果同飲品都係係左邊嘅收銀處！

等咗起碼20分鐘 終於有得攞

啖啖果肉水果沙冰  提子蘋果紅龍果

$36

飲落幾真材實料 我叫咗提子蘋果紅龍果 啖啖果肉水果沙冰 除左上面講咗嘅3款生果 我仲食到有芒果 菠蘿

有啲不足，就係提子有啲酸，同食落淋淋地，好似唔夠新鮮既感覺同埋個杯質地好好，個蓋好實，想食生果就要比多啲力先打開到

飲曬一杯真係有飽肚嘅感覺，不過比我感覺都係偏甜 似係生果本身既果糖！？

整體黎講三十幾蚊 買到杯用生果搾出嚟嘅飲品 算係物超所值