甜甜地甜品屋 (已結業)

是日食唔到凍嘢，但心思思又想食甜品，記得上次去咗呢間還不錯，就又來啦。 小熊係雪糕狂熱，要咗曲奇狂熱，底下十分豐富，生果有黃桃，火龍果，西瓜球，蜜瓜球，還有涼粉，面頭有爆爆珠(有魚肝油口感，外面係脆嘅，咬爛會有果汁流出)，上面有一大球雪糕(自選口味，小熊揀咗曲奇啦)，還有一塊Oreo。成個甜品俾人一種豐富盛薈嘅感覺。 本蛇選擇有限，係熱嘢中睇來睇去，點咗黑糖芋圓紅豆豆腐花。底下係豆腐花啦，應為店家自製，豆味濃郁；有紅豆，顆粒分明，不過甜；還有芋圓，地瓜圓，軟糯滋味，由於豆腐花是無味的，撒咗點黑糖調味。整個甜品食完，覺得頗天然滋潤呢。尼度所有甜品俾人感覺都係搭配豐富，一點也不單一，食起來驚喜不斷呢!價錢又唔貴，希望越來越多人幫襯啦!