Add Some Thai Restaurant

营业中

休息中

放工嘅时候好想食泰国嘢，见到OpenRice呢间泰国嘢都有唔少好评，所以今次就专登走去试吓啦！呢间餐厅环境都唔错，不过灯光比较昏暗，坐得都算舒服，平时帮衬嘅人比较多，大家最好预先book定位先。今次我哋嗌左以下几样嘢食：🎈泰式炒金边粉因为食过太多好食嘅泰国菜，所以觉得佢嘅金边粉只系普普通通，配料唔算多，味道都系正常金边粉嘅味道，只可以话1988嘅更加好食🎈香烧猪颈肉猪颈肉反而唔错，烧得好香，猪颈肉有肉汁，而且肥瘦适中，个酱汁味道都唔会太咸，配埋黎食啱啱好🎈黄咖喱鸡肉配手抓饼呢个黄咖喱鸡肉嘅鸡肉可怜地少，净系得4旧，其他全部都系菜，咖喱味道系正常嘅，只不过可以食到嘅配料就真系唔多，而手抓饼唔会太薄，算系烟韧香口🎈椰汁芒果糯米饭配是日雪糕呢餐最好食嘅反而系芒果糯米饭里面嘅雪糕，因为佢嘅雪糕质地同平时食嘅好唔同，系好creamy好好食𠮶种，好难形容，但个雪糕真系好食😋而芒果就有啲酸，糯米饭都系正常味道总括来讲，因为之前睇过太多好评，所以系有期望嘅情况下黎食，其实有少少失望，我觉得呢间嘅味道只算系不过不失，如果下次再想食泰国嘢，我都系会拣1988。