DK Cuppa Tea

营业中

休息中

是日订左位食lunch，去到冇人，我地去到系第一枱客，完全唔洗等直接入得。入到去可以拣枱位或地垫位，地垫位几靓但要除鞋，我地嫌烦都系坐枱算。Cafe主打园林简约风，成个感觉令人觉得好舒服好宁静，因为佢有唔少香薰产品，所以一入到去有好浓香薰味，对香味敏感既人可能唔太中意，但坐耐左会慢慢惯阵味。入到起有午餐餐牌，好简单甘得3款野拣，但甘岩果日冇三文鱼，所以变相得两款意粉拣，我拣左烟鸭胸意大利粉。佢加38蚊可以加汤同拣餐牌上48蚊既饮品，多过48蚊既饮品就另补差价。因为问完之后是日既汤系牛肝菌汤，甘意粉我拣左果汁系牛肝菌，避免过于重复，我就唔想要汤啦，店员话甘样可以加28蚊叫餐牌上面48蚊既饮品，贵过48蚊就补差额。我叫左杯Sweet Paris既有机茶。叫左烟鸭胸意大利粉既午餐set，60蚊堂食要加一。跟餐会有一个沙律同甜品。先讲沙律，好少既一兜仔，黑醋汁，啲菜唔系超新鲜但又未至于有苦味，不过不失。然后果烟鸭胸意大利炒，意炒系偏扁身果种，每条都挂汁，整体唔会太干或太湿，岩岩好，仲有软硬度适中，意粉会俾4星，烟鸭胸正常有稍为煎过，食落有香味，又唔会过咸，有时都几怕食到啲鸭胸好咸，呢到就唔会。