影片
更多
2018-07-04
1056 浏览
鍾情於懷舊，所以如果出街食飯，餐廳裝潢有特式，個日心情就會更加好.一直有留意開「羅麥記」呢間餐廳，因為個人真係超鍾意佢嘅環境之前又光顧過佢銅鑼灣店，食物性價比高，所以佢一直都係定期會去嘅餐廳list之一。呢晚約左個住青衣嘅朋友，知道青衣城開左分店，絲毫無考慮，晚餐係「飯堂」解決！.服務員嘅服務態度超好，一入去坐低，佢哋就會俾杯水你飲，唔該前唔該後，感覺非常好.食物方面都幾玩味下，係一啲fusion左嘅茶餐廳菜，幾特別，幾得意。最重要係可以打打卡，因為店裏面嗰啲裝飾都好有80年代嘅味道。尤其是佢地大大個「羅麥記」霓虹燈招牌，同埋啲好有特色嘅電影海報。坐喺度，留心啲聽下，佢會播緊啲比較懷舊嘅歌，同裝修都幾有舊冰室嘅感覺，好有feel. 價錢黎來講算係平,另有套餐嘅選擇，包埋嘢飲，所以都見到好多一支公喺度食嘢。份量算大，可以同朋友或者屋企人share又得。 .小食方面我哋叫咗一個炸魷魚圈 $46啲粉漿做得幾好，薄薄地唔會話好厚。雖然佢哋冇配上沙律醬嗰啲調味，但其實本身個味道都已經好夠。重要嘅係個魷魚圈脆脆地，好香口，所以同朋友一齊食好快就快就分哂.主食方面，我哋叫咗個磚頭焗咖喱軟殻蟹飯 $9
.
一直有留意開「羅麥記」呢間餐廳，因為個人真係超鍾意佢嘅環境之前又光顧過佢銅鑼灣店，食物性價比高，所以佢一直都係定期會去嘅餐廳list之一。呢晚約左個住青衣嘅朋友，知道青衣城開左分店，絲毫無考慮，晚餐係「飯堂」解決！
.
服務員嘅服務態度超好，一入去坐低，佢哋就會俾杯水你飲，唔該前唔該後，感覺非常好
.
食物方面都幾玩味下，係一啲fusion左嘅茶餐廳菜，幾特別，幾得意。
最重要係可以打打卡，因為店裏面嗰啲裝飾都好有80年代嘅味道。尤其是佢地大大個「羅麥記」霓虹燈招牌，同埋啲好有特色嘅電影海報。
坐喺度，留心啲聽下，佢會播緊啲比較懷舊嘅歌，同裝修都幾有舊冰室嘅感覺，好有feel
.
價錢黎來講算係平,另有套餐嘅選擇，包埋嘢飲，所以都見到好多一支公喺度食嘢。份量算大，可以同朋友或者屋企人share又得。
.
小食方面我哋叫咗一個炸魷魚圈 $46
啲粉漿做得幾好，薄薄地唔會話好厚。雖然佢哋冇配上沙律醬嗰啲調味，但其實本身個味道都已經好夠。重要嘅係個魷魚圈脆脆地，好香口，所以同朋友一齊食好快就快就分哂.
主食方面，我哋叫咗個磚頭焗咖喱軟殻蟹飯 $95
啲服務員好細心咁另外幫我地分上左個咖喱汁，同周不時咁check吓你食晒啲咖喱汁未，會主動咁幫你添加，超貼心最surprise嘅係個磚頭麵包超好食，勁厚身，依然焗到外脆內軟；配上咖喱汁之後好開胃，越食越滿足。另外份量好大，但邪惡嘅係佢唔會好膩，所以你會慢慢咁食晒啲飯同麵包。好玩嘅點就係，你可以慢慢咁撕啲麵包落嚟，好有趣呢個菜式有得玩，有得食真係好鬼搞笑。.
我哋再叫咗避風塘炒麵 $68
佢哋用咗唔同嘅海鮮，有魷魚、炸魚塊同埋大蝦球，再配上豉油王炒麵都幾有特色。上面嘅避風塘粒粒非常香口，同啲海鮮好夾。其實佢啲辣味都幾出，如果食唔到辣嘅朋友可以諗下佢。 但好似我咁食得辣嘅就可以值得一試🌶🌶.
嘢飲方面我哋叫咗一杯蜂蜜鮮奶 $13
飲落去超舒服，因為佢蜂蜜味都好重下。甜但嚟又幾滋潤，好解渴，一啲邪惡感到冇
2個人食到超級飽，都係二百頭，服務周到，座位都幾舒適，好啱同屋企人同朋友嚟食
张贴
