開到凌晨3點又食又玩又有live band🎤
老實講，
而家香港就係少咗一個可以夜夜笙歌嘅地方😌
今晚第一次嚟真心覺得好正，
尤其是撞正今晚嘅live band，
可以話我聽咁多live band以嚟最正嘅一隊，
全晚唱嘅歌曲難度越嚟越高，
台下嘅食客亦都越聽越high，
招牌香辣烤魚 (江團魚) ⭐️⭐️⭐️⭐️⭐️
食烤魚一定要叫江團魚，
魚骨少肉質香滑🐟
烤魚內有大量配菜：
香菇、芽菜、萵筍、蓮藕等等🤤
提提大家食烤魚會越食越辣，
因為當醬汁煮得越嚟越濃嘅時候，
辣味就會揮發出嚟🔥
雖然我都好鍾意食辣，
但係我會謹慎啲叫小辣🫢
下次再嚟要叫多2個朋友，
因為烤魚份量真係好大，
食完成條魚，
個肚差唔多冇空間食其他辣嘢🤣
豉椒炒魚肚 ⭐️⭐️⭐️⭐️⭐️
第一次食炒魚肚，
見係新品推介，
估唔到真係咁好食🥳
魚肚食落口好爽脆，
你可以想像個醬汁係豉椒炒蜆個醬汁，
不過今次係配上爽脆嘅魚肚，
魚肚外面掛滿晒醬汁，
用嚟送啤酒真係一流🍺
燒大大茄子 ⭐️⭐️⭐️⭐️
茄子份量大過我個頭🍆
茄子除咗加入平常蒜蓉之外，
仲加入咗大量炸蒜，
所以食起嚟脆卜卜，
比起平時食到嘅更加香口！
羊肉串 ⭐️⭐️⭐️⭐️⭐️
原本想嗌多啲串燒，
但係烤魚嘅份量真係好大，
所以只係叫咗兩串羊肉串🐏
羊肉串調味好有風味，
同國內食到嘅一樣惹味！
我自己食羊就係鍾意份羊臊味，
呢度嘅羊臊味恰到好處，
而且肉質軟腍唔會燒到乾柴，
非常好食🤤
燒菠蘿 ⭐️⭐️⭐️⭐️
酸甜多汁嘅菠蘿，
係燒烤最好嘅結尾🍍
食晒所有嘢之後掛住聽歌唔捨得走，
但硬係覺得好似爭咁啲嘢咁，
原來係未食甜品🤣
菠蘿燒咗之後更加香甜，
呢度嘅菠蘿燒得好好，
水份仍然都keep住，
推介大家一定要叫👍🏻
2
