The Salted Pig (D2 Place) (已結業)

咁啱撞正D2 place有一個市集好想去 就把心一橫睇吓荔枝角附近有咩好餐廳 結果就比我搵到呢一間已豬為主題嘅餐廳 仲要直接就喺D2 two 嗰度可以一食完就想去睇市集 加上超級鍾意食豬扒嘅我梗係立即衝左去啦!一到步餐廳其實都冇乜人所以唔使排隊就已經入到去啦 揀食咩嘅時候我自己都掙扎咗好耐 究竟食原本已經吸引住我驚慢煮厚切五花豬腩肉 定係睇望相好似好好味嘅豬扒好哈哈最後我都揀厚切豬腩肉 堅持初衷費事自己後悔🤪 先唔講個豬腩肉先，佢側邊啲配菜超級好食！蘆筍、蘿蔔同埋薯仔沙律 都煮得好淋 蒜蓉味有好夠 平時食蘆筍同埋蘿蔔嘅澀味啲都冇 我忍唔住好快就食晒！其實個豬都唔差 不過輸咗比配菜 我懷疑有啲overcook咗 但佢個外皮仍然係好脆 只係入邊肉質唔夠Juicy 一定要配埋佢個汁先夠味！ 其實佢份量都好大 所以建議如果兩個人去食嘅話可以嗌一個 再嗌一個小食 都好夠！