林昌記 (已結業)

近月多了個習慣，每次經過紅磡火車站外的行人天橋，都會順道轉過去林昌記，為了只是一串魚蛋。香港有水準的魚蛋已經不多，大家要食就要趁早。林昌記早幾年因為新年的隨街擺賣而聞名，家陣入埋舖，仲要連總店有三四間，所以能抓緊機會可不要錯過，有時候只會一轉眼就過。同囝囝去完科學館，反正小朋友又喜歡食魚蛋，當然要小朋友來朝聖。今次只點了不在水牌上的黃金魚蛋，即叫即炸，所以要等十分鐘左右。雖然放在發泡膠兜內，依然感受到熱力發放。囝囝忍不住即時「督」起一粒就咬，辣到差點吐出口，結果 $20/11粒，自已只吃了兩三粒，果然外層脆卜卜，內裡的魚肉超彈牙又香口，難怪囝囝食完仲想再要一碗，不過小食多滋味，留番美好回憶吧！