壹屋子台式料理 (已結業)

壹屋子新開時，不時都見到Facebook group 有街坊介紹，今次終於去一試究竟。叫咗個紅燒牛肉麵跟木瓜雪耳糖水，牛肉麵上枱賣相不錯，有牛肉之外仲有白蘿蔔同菜，如果多啲蘿蔔同有埋酸菜的話應該會更吸引。個麵食落辣辣地幾過癮。叫個主食加多10蚊就有個糖水，入面有3舊木瓜，雪耳同南北杏，都幾足料。糖水唔太甜，甜度剛好(重甜者就未必啱啦)，有木瓜味，加配價10蚊碗認真抵玩。原本想試埋個芋圓，但太飽食唔落，下次再黎試埋個紅棗桂圓芋圓先(紅棗好似多啲人嗌🙈)