影片
更多
2022-08-08
45 浏览
剛剛去完奧海城，就順便走入大角咀舊區搵好西食! 呢幾年自從利奧坊入左伙後，大角咀舊區多左好多唔同特色的餐廳，今日就俾Restoran SAYA 裏面的環境吸引左，試下泰北菜。好多時人都會有個錯覺，覺得間餐廳靚一定只係食環境，而餸菜就未必好正宗，包括我自己。不過今日試完Restoran SAYA，感覺完全被打臉!首先前菜係Nam Tok PED，係泰式燒鴨沙律。燒鴨燒得幾香，份量亦都好多，配上洋蔥加埋泰式酸汁都幾開胃，而沙律菜都幾新鮮唔會有苦味!之後就叫左 Gai Yang，係伊善炭火雞肉。伊善其實係泰國東北地區菜式，相對其他地方泰菜黎講著重酸同辣，另外就以炭燒食物以聞名。雞肉上菜一刻已經先聞其香味，望到擺盤覺得好靚，色與香都有，最後就要睇埋味道掂唔掂。雞肉食落去除左食到炭燒味道外，最重要係雞肉夠晒滑及夠Juicy，一路食D雞油就跌出黎。另外佢配埋的泰式辣醬先係另一驚喜，個醬夠辣夠酸，加埋乾蔥同其他香料，夠晒惹味。我地連配菜都無放過，將青瓜同沙律菜點埋個泰式辣醬黎食。最後就係主角泰北咖喱金麵，本身係好傳統的泰北民間美食，幾年前係清邁都係食過。「金麵」其實係由本身麵色而命名，其實似我地平時
呢幾年自從利奧坊入左伙後，大角咀舊區多左好多唔同特色的餐廳，今日就俾Restoran SAYA 裏面的環境吸引左，試下泰北菜。好多時人都會有個錯覺，覺得間餐廳靚一定只係食環境，而餸菜就未必好正宗，包括我自己。不過今日試完Restoran SAYA，感覺完全被打臉!
首先前菜係Nam Tok PED，係泰式燒鴨沙律。燒鴨燒得幾香，份量亦都好多，配上洋蔥加埋泰式酸汁都幾開胃，而沙律菜都幾新鮮唔會有苦味!
之後就叫左 Gai Yang，係伊善炭火雞肉。伊善其實係泰國東北地區菜式，相對其他地方泰菜黎講著重酸同辣，另外就以炭燒食物以聞名。雞肉上菜一刻已經先聞其香味，望到擺盤覺得好靚，色與香都有，最後就要睇埋味道掂唔掂。雞肉食落去除左食到炭燒味道外，最重要係雞肉夠晒滑及夠Juicy，一路食D雞油就跌出黎。另外佢配埋的泰式辣醬先係另一驚喜，個醬夠辣夠酸，加埋乾蔥同其他香料，夠晒惹味。我地連配菜都無放過，將青瓜同沙律菜點埋個泰式辣醬黎食。
最後就係主角泰北咖喱金麵，本身係好傳統的泰北民間美食，幾年前係清邁都係食過。「金麵」其實係由本身麵色而命名，其實似我地平時食開的粗麵，但相對幼身少少。另外，由於受到回族飲食文化的影響，咖喱金麵的做法有D特別，傳統會將金麵用兩種方式呈現，第一種係普通麵的食法，由於粗麵比較容易掛汁，所以食落去撈埋咖喱味係超好食。而泰北的咖喱通常都會加入辣椒醬，相對比較辣，但同時更加惹味。而另一種方式係將金麵變成炸麵條，掛上咖喱汁又有另一種呈現。另外金麵都配上雞肉同醃菜，加埋又會有另一種的味覺衝擊! 配埋芒果熱情果沙冰，為呢個假日享受劃上完美句號!
张贴
