尚上下夏2.8 - 養生雞煲火鍋x冰室 (已結業)

附近返工見到呢間店新開張係冰室x雞煲邊爐就決左收工去試下，裝修行精緻簡約風格，很乾淨很企理坐得好舒服，今次約8點去到都已經好多人。Menu 有唔少款式，仲有個2人套餐推薦大家叫！雞煲可以揀部位（雞/雞胸/雞腿），仲可以揀半定一份，最後揀埋辣度就可以等上枱。但對我呢個雞煲愛好者而言，食完半份都仲好想加，不過唔可甘快食飽，因為接著仲要打邊爐。凍芋頭我好鐘意食芋頭，唔淥好耐都有勁粉勁糯既口感，好食。四寶丸一開始上枱仲諗緊自己點解會錯手叫左甘普通既丸，但食落原來有驚喜，尤其係其中一個丸係咸蛋黃醬心，第一次好特別！鬼馬墨魚將墨魚滑釀到油炸鬼，大大舊漲卜卜！放入湯底滾一滾，油炸鬼將湯底精華盡吸收，口感軟脆如響玲，墨魚滑彈牙！其他食物都好推薦！