樂天經典 (已結業)

岩岩去完旅行返到黎發現好掛住中菜，於是乎帶左屋企人去樂天經典食返餐好既！喺門口已經見到星洲黑胡椒螃蟹好吸引，所以一入到去就叫咗呢個先！一上菜個陣真係勁香噴噴，侍應好好招呼，放哂食蟹三寶喺枱面，食落啲肉都好紮實又入味！叫嘅係中size，4個人食岩岩好。然後叫咗個福建雞丁燴飯，個飯炒到粒粒分明，配埋嫩滑既雞丁完全無得頂！就連平時唔太食飯既我都不停encore！再叫咗個黃金咸蛋蝦球，都幾大隻而且食落無雪味，咸蛋醃得好好，色香味俱全！屋企人仲叫咗個酸辣素羹，材料豐富但偏辣，十分開胃解膩但如果唔太食得辣既千奇唔好嗌！